Onless usuli
Javobni yodlamaysiz. Qoidani tushunasiz.
Yo‘lda testdagi variantlar bo‘lmaydi: vaziyatni ko‘rib, bir zumda qaror qabul qilasiz. Shuning uchun Onlessda to‘g‘ri javobning o‘zini emas, uning sababini o‘rganasiz.
Biz nimani ko‘rdik
Yodlangan javob imtihonda yordam berishi mumkin. Yo‘lda esa yetmaydi.
Buni o‘z avtomaktablarimizda ko‘rdik: savol biroz boshqacha berilsa, yodlangan javob ish bermay qoladi. Haqiqiy yo‘lda esa variantlarning o‘zi bo‘lmaydi.
Qoidaning mantig‘ini tushungan odam notanish vaziyatda ham to‘g‘ri qaror topa oladi. Onless usuli shunga qurilgan.
Usul
Savolning o‘zi darsga aylanadi
Nazariyani oylab alohida o‘qib, keyin testga o‘tish shart emas. Kerakli qoida, yo‘l belgisi va javob mantig‘i savol bilan birga tushuntiriladi.
Professional Expert tahlili
Murakkab qoida sodda tilda sabab, istisno va amaliy vaziyatlarga ajratib tushuntiriladi.
Maqsadimiz — o‘quvchi quyidagi savollarga o‘zi javob bera olishi:
- Nega aynan shu javob to‘g‘ri?
- Qolgan variantlar nega noto‘g‘ri?
- Bu yerda qaysi qoida ishlayapti?
- Haqiqiy yo‘lda bu qanday ko‘rinadi?
Audiotahlil
Tahlilni tinglab takrorlaysiz va ekranga qarash noqulay bo‘lgan paytda ham o‘rganishni davom ettirasiz. Rul ortida esa diqqatingiz faqat yo‘lda bo‘lsin.
Ko‘rib tushunish
Yo‘l belgilari, chiziqlar va chorraha tasvirlari qoidani ko‘z bilan tushunishga yordam beradi.
Xatolardan o‘rganish
Har bir xato keyingi mashqda nimani takrorlash kerakligini ko‘rsatadi. Maqsad — bitta xatoni ikki marta qilmaslik.
Imtihon sharoitida mashq
Imtihon rejimida 20 ta savolga 25 daqiqa beriladi, shuning uchun imtihon kuni vaqt sizni ajablantirmaydi.
Professional Expert tahlili va audiotahlil hamma savolda ham bo‘lavermaydi.
Bir mashg‘ulot
Bir mashg‘ulot qanday o‘tadi
Javob berasiz
Savolga avval o‘zingiz javob berasiz.
Tushunasiz
Tahlilni o‘qiysiz yoki tinglaysiz va javobning sababini bilib olasiz.
Takrorlaysiz
Qiyin mavzuga qaytib, o‘xshash vaziyatda qoidani yana qo‘llaysiz.
Sinab ko‘rasiz
Imtihon rejimida bilimingizni tekshirasiz.
Natija
Natija qanday hisoblanadi
- nazariy imtihondan birinchi urinishda o‘tganlar
- 97%
Onlessda imtihonga mustaqil tayyorlanganlar, Buxoro Ravon avtomaktabi va 10 dan ortiq hamkor avtomaktabning o‘qituvchisiz mustaqil tayyorlangan o‘quvchilari nazariy imtihonni birinchi urinishda topshirish natijalari asosida. Bu ko‘rsatkich alohida o‘quvchining natijasini oldindan belgilamaydi.
Imtihonni har kim o‘z bilimi bilan topshiradi, shuning uchun natijani kafolatlamaymiz.
Aniqlik
Xato topsangiz, tuzatamiz
Yo‘l qoidasidagi xato yo‘lda qimmatga tushadi. Shuning uchun tushuntirishlar rasmiy manbaga tayanadi, xato topilsa esa tuzatiladi.
Manba
Tushuntirishlar Vazirlar Mahkamasining 2022-yil 12-apreldagi 172-son qarori bilan tasdiqlangan Yo‘l harakati qoidalariga tayanadi.
Kim tayyorlaydi
O‘qitish metodikasiga avtomaktab sohasida 20 yildan ortiq ishlagan Tojiddin Avezov, qoidalar talqiniga Toshkent davlat texnika universiteti o‘qituvchisi, Yo‘l harakati qoidalari eksperti Baxtiyor Rahmonov mas’ul.
Xato topsangiz
Tahlil ostida fikr qoldiring yoki Yordam markazi orqali yozing. Xabaringizni 5 ish kuni ichida ko‘rib chiqamiz.
Qoidalar o‘zgarsa
Yo‘l harakati qoidalariga rasmiy o‘zgartirish kiritilsa, tegishli tushuntirishlarni 14 kun ichida yangilaymiz.
Ochiq gap
Kimga mos va nimani qila olmaydi
Onless kimlar uchun
- Haydovchilik guvohnomasiga mustaqil tayyorlanayotganlar
- Avtomaktabda o‘qib, nazariyani mustahkamlamoqchi bo‘lganlar
- Guvohnomasi bor, lekin qoidalarni qaytadan tushunib olmoqchi bo‘lganlar
- O‘zbek (lotin yoki kirill), rus yoki qoraqalpoq tilida o‘qishni xohlaganlar
Onless nimani qila olmaydi
- Rul ortidagi tajribani bera olmaydi: amaliy mashg‘ulotni litsenziyaga ega avtomaktabda instruktor bilan o‘tasiz.
- Imtihon natijasini oldindan va’da qilmaydi: natija bilimingiz va mehnatingizga bog‘liq.
- Guvohnoma bermaydi: Onless — xususiy kompaniya, davlat organi emas.
O‘zingiz sinab ko‘ring
Ro‘yxatdan o‘tish bepul. Ro‘yxatdan o‘tgach, VIP imkoniyatlarini 24 soat sinab ko‘rishingiz mumkin.