Asosiy kontentga o'tish
Sessiya tekshirilmoqda…

Biz haqimizda

Imtihonga ham, yo‘lga ham tayyorlaymiz.

Javobni yodlatmaymiz — qoidani tushuntiramiz. Nazariyani Onlessda o‘rganasiz, rul ortidagi mashg‘ulotni litsenziyaga ega avtomaktabda o‘tasiz.

  • O‘zbek (lotin va kirill), rus va qoraqalpoq tillarida
  • Veb, Android, Telegram va kompyuterda
  • 2020-yildan beri
Bepul tayyorlanishni boshlashOnless usuli

Oliy maqsadimiz

Har bir inson yaqinlari bag‘riga sog‘-salomat qaytadigan yo‘l madaniyatini shakllantirish.

Missiyamiz

Yo‘l harakati qoidalarini har bir inson tushunadigan va hamma uchun ochiq ta’limga aylantirish: javobni emas, to‘g‘ri qarorning sababini o‘rgatish.

2025-yilda O‘zbekiston yo‘llarida 2 188 kishi halok bo‘ldi — har kuni o‘rtacha 6 oila yaqinini yo‘qotadi.

Bu raqamlar ortida oilalar turadi. Qo‘limizdan keladigani — rulga o‘tirayotgan odam qoidani yodlab emas, tushunib o‘tirishiga yordam berish.

Manba: Ichki ishlar vazirligi Yo‘l harakati xavfsizligi xizmati, Gazeta.uz, 2026-yil 14-yanvar. 100 ming aholiga to‘g‘ri keladigan o‘lim ko‘rsatkichi 2021-yildagi 6,9 dan 2025-yilda 5,7 ga kamaygan.

Manbani ochishYangi sahifada ochiladi

Qadriyatlarimiz

Nimaga ishonamiz va buni qanday qilamiz

  1. Tushunish yodlashdan muhim

    Amalda
    Savol bilan birga qoida, yo‘l belgisi va javob mantig‘i tushuntiriladi — nega aynan shu javob to‘g‘ri.

  2. Imtihon bir kun, haydash butun umr

    Amalda
    Qoidani amaliy vaziyatlarga bog‘lab tushuntiramiz, chunki guvohnoma olgandan keyin ham u yo‘lda kerak bo‘ladi.

  3. Sodda til, aniq ma’no

    Amalda
    Metodika ustida avtomaktab sohasida 20 yildan ortiq ishlagan metodist va Yo‘l harakati qoidalari eksperti ishlaydi: soddalashtiramiz, mazmunni buzmaymiz.

  4. Imkoniyat hamma uchun

    Amalda
    O‘zbek (lotin va kirill), rus va qoraqalpoq tillarida o‘rganish mumkin. «100 yosh» — ijtimoiy missiyamiz.

Biz qilmaydigan ishlar

  • Imtihondan o‘tishni yoki guvohnoma olishni kafolatlamaymiz: imtihonni siz topshirasiz, biz tayyorlaymiz.
  • «Prava olib berish» bilan shug‘ullanmaymiz va bunday taklif qilganlar bilan hamkorlik qilmaymiz.
  • Shaxsiy ma’lumotlaringizni sotmaymiz.
  • Soxta sharh yoki to‘qilgan natija e’lon qilmaymiz.

Onless usuli

Javobni emas, qoidaning sababini o‘rgatamiz

Usulimiz beshta tamoyilga tayanadi. Natija kimlar asosida hisoblanganini ham ochiq yozamiz.

  • Professional Expert tahlili

    Murakkab qoida sodda tilda sabab, istisno va amaliy vaziyatlarga ajratib tushuntiriladi.

  • Audiotahlil

    Tahlilni tinglab takrorlaysiz va ekranga qarash noqulay bo‘lgan paytda ham o‘rganishni davom ettirasiz. Rul ortida esa diqqatingiz faqat yo‘lda bo‘lsin.

  • Ko‘rib tushunish

    Yo‘l belgilari, chiziqlar va chorraha tasvirlari qoidani ko‘z bilan tushunishga yordam beradi.

  • Xatolardan o‘rganish

    Har bir xato keyingi mashqda nimani takrorlash kerakligini ko‘rsatadi. Maqsad — bitta xatoni ikki marta qilmaslik.

  • Imtihon sharoitida mashq

    Imtihon rejimida 20 ta savolga 25 daqiqa beriladi, shuning uchun imtihon kuni vaqt sizni ajablantirmaydi.

nazariy imtihondan birinchi urinishda o‘tganlar
97%

Onlessda imtihonga mustaqil tayyorlanganlar, Buxoro Ravon avtomaktabi va 10 dan ortiq hamkor avtomaktabning o‘qituvchisiz mustaqil tayyorlangan o‘quvchilari nazariy imtihonni birinchi urinishda topshirish natijalari asosida. Bu ko‘rsatkich alohida o‘quvchining natijasini oldindan belgilamaydi.

Professional Expert tahlili va audiotahlil hamma savolda ham bo‘lavermaydi.

Onless usuli bilan tanishish

Nazariya va amaliyot

Nazariya Onlessda, amaliy mashg‘ulot avtomaktabda

2026-yil 1-fevraldan A va B toifadagi guvohnoma uchun nazariy darslarga qatnashish ixtiyoriy bo‘ldi: nazariyani mustaqil o‘rganish mumkin, amaliy mashg‘ulotlar esa avtomaktabda to‘liq o‘tiladi.

  1. O‘quvchi

    Haydovchilik guvohnomasiga tayyorlanadi

  2. Onless

    Yo‘l harakati qoidalarini tushunib o‘rganadi

  3. Avtomaktab

    Instruktor bilan amaliy mashg‘ulot o‘tadi

  4. Imtihon

    Rasmiy imtihonni topshiradi

O‘quvchi nazariyani Onlessda o‘rganadi, amaliy mashg‘ulotni avtomaktabda o‘tadi va rasmiy imtihonni topshiradi.
Manba: Kun.uz, 2025-yil 27-oktabrYangi sahifada ochiladi

Avtomaktablar bilan hamkorlikka tayyormiz

Bir necha o‘nlab avtomaktablardagi tajribamiz shuni ko‘rsatdi: qoidani tushunib kelgan o‘quvchi bilan instruktorga ishlash osonroq. Hamkorlik formati va narx kelishiladi.

Qo‘ng‘iroq qilish: (97) 280-08-09

Ijtimoiy missiya

«100 yosh»: guvohnoma — kasbga birinchi qadam

Ko‘p yigit-qizlar uchun haydovchilik guvohnomasi kasb degani: yetkazib berish, yuk tashish, jamoat transporti, taksi. Lekin o‘qish, tibbiy ko‘rik va imtihon to‘lovlariga hamma oilaning ham qurbi yetavermaydi.

Maqsadimiz — har yili kam ta’minlangan oilalardan 100 nafar yoshni qonuniy guvohnoma olguncha o‘qitish. Bu ishni platforma daromadidan bosqichma-bosqich amalga oshiramiz.

Imtihonni har kim o‘z bilimi bilan topshiradi. Biz natijani emas, boshlash uchun teng imkoniyatni beramiz.

Nimalar qoplanadi

  • Onlessda nazariy ta’lim
  • Avtomaktabda amaliy mashg‘ulotlar
  • Tibbiy ko‘rik
  • Rasmiy imtihon to‘lovlari

Qancha yoshga imkoniyat berilgani va qancha mablag‘ yo‘naltirilganini har yili ochiq e’lon qilamiz.

Kim turibdi

Onless ortidagi odamlar va yo‘limiz

Bizning yo‘limiz

  1. Ravon avtomaktablari

    Salohiddin Yoqubov Buxoro Ravon va Poytaxt Ravon avtomaktablarini rivojlantirishni boshladi.

  2. Ilk versiya

    Ravon avtomaktablari o‘quvchilari uchun Onlessning ilk versiyasi yaratildi.

  3. Yangi Onless

    Onlessni qayta qurib, hamma uchun ochdik: javobni yodlatish emas, qoidani tushuntirish.

  4. Investorlar va UzVC

    Aloqa Ventures va Yoshlar Ventures sarmoya kiritdi. Onless UzVC Startup Growth Program 3.0 final guruhiga tanlandi.

  5. Bugun

    Usulni chuqurlashtiryapmiz

    Tushuntirishlar sifatini oshiryapmiz va avtomaktablar bilan hamkorlikni kengaytiryapmiz.

Jamoa

  • Asoschi, bosh direktor

    Salohiddin Yoqubov

    Dasturiy ta’minotda 13 yildan ortiq tajriba. 2019-yildan Ravon avtomaktablarini rivojlantiradi. Iqtisodiyot vazirligining «Avtomaktab elektron tizimi» loyihasiga rahbarlik qilgan. Onlessning ilk versiyasini o‘zi yaratgan.

  • O‘qitish metodikasi

    Tojiddin Avezov

    Avtomaktab sohasida 20 yildan ortiq tajriba. Onlessda o‘qitish usuliga mas’ul.

  • Yo‘l harakati qoidalari eksperti

    Baxtiyor Rahmonov

    Toshkent davlat texnika universiteti o‘qituvchisi, 12 yildan ortiq tajriba.

  • Infratuzilma muhandisi

    Sirojiddin Yoqubov

    4 yildan ortiq tajriba: MohirDEV, EPAM, Skillbox. Platformaning uzluksiz ishlashiga mas’ul.

Bizga ishonch bildirganlar

  • Investor

    Aloqa Ventures

  • Investor

    Yoshlar Ventures

  • Final guruhiga tanlangan

    UzVC Startup Growth Program 3.0

Hozir asosiy e’tiborimiz O‘zbekistonda. Keyingi bosqichlarda Qozog‘iston, Ozarbayjon va Turkiyaga chiqishni rejalashtiryapmiz.

Aloqa

Sizga qaysi yo‘l kerak?

Farzandingiz tayyorlanyaptimi?

Onlessda u javobni emas, qoidaning sababini o‘rganadi — imtihonga ham, yo‘lga ham.

Onless usuli bilan tanishish

Boshqa savollar bo‘yicha:Yordam markazi

Rekvizitlar

Tashkilot
«OPENSOFT» MChJ
IT Park rezidenti
DSP15
STIR
308944250
Manzil
Buxoro shahri, Otbozor, Suvchilar koʻchasi, 24-uy

Sahifa versiyasi 1.0 · Yangilangan